Íslenska útgáfan

Style WINONATOP er prjónauppskrift. Uppskriftin er send á netfang sem gefið er upp og í PDF formi sem hægt er að hlaða niður. 

Stærðartafla

Stærðir XS (S) M (L) XL (XXL) 3XL (4XL) 

1.Yfirvídd                                                                     

76 (81) 86 (91) 96 (101) 107 (113)

 2.Lengd frá öxlum og niður                                    

55 (57) 59 (61) 62 (62,5) 63 (63,5)  

Uppgefin mál eru tekin af toppnum fyrir þvott. Toppurinn getur stækkað við þvott. Sniðið er aðsniðið og gefur vel eftir eða allt að 15 - 30 cm. Uppskriftin gefur möguleika á að aðlaga toppinn að eigin málum.

Hæfni

Prjóna slétt og brugðið, úrtaka og útaukning, prjóna í hring, lykkja saman og kant lykkja.

Efni

Handlitað Mulberry silki frá Thelma Steimann. Silkið er ótrúlega fallegt og mjúkt garn til að prjóna með, það gefur fallega glansandi og léttleika í flíkinni. Meðallengd ca 400m / 100 g í hverri hespu.

Mulberry silki : 1 (1) 2 (2) 2 (2) 2 (2)

Hringprjónar 40 og 60 cm í 3 mm.

2 x sokkaprjóna 3 mm

Saumnál til að fela enda og til að sauma saman axlirnar

Prjónasnúru eða garnaafgang til að geyma lykkjur.

Prjónamerki.

Prjónfesta

Hafið í huga að sannreyna prjónfestu áður en hafist er á verkefninu. Fitjið upp 27 L , prjónið slétt 38 umf et* 3 L sl, 3 L br* á prj 3 mm fyrir 10 x 10 cm prjónfestu. Aðlagið prjónastærð til að ná prjónfestu.

Gott að hafa í huga

Toppurinn er prjónaður neðanfrá og upp í hring með 3 x 3 stroffi. Toppurinn er aðsniðin og er prjónaður bæði með úrtöku og útaukningu svo sniðið passi vel við líkamann. Þegar lokið er við bolinn er vinnunni deilt upp í fram-og bakhlið, þar eftir er toppurinn prjónaður fram og tilbaka. Hliðarnar eru svo lykkjaðar saman á öxlunum.

Uppgefið garn er miðað við meðaltal og er þar af leiðandi mismunandi fyrir hvern og einn. Þegar bætt er við eða tekið af uppgefnum málum má reikna með að það hafi áhrif á hversu mikið garn fer í verkefnið.